رحلتي لـ ماليزيا الجزء الاول

[NjmUae.com]

السلام عليكم ورحمة الله وبركاته

اليوم بحط لكم جزء من الصور اللي صورتها في رحلتنا لماليزيا مع ذكر بعض المواقف اللي حصلت لنا مع كل صوره

مجموع الصور 95 صوره بعد التعديل وحذف البعض منهن

بوزعهن على موضوعين او ثلاثه

اصبروا على الصور لانه حجمهن كبير شوي

نبدا اليوم بالجزء الاول وهي من مطار ابوظبي لين لنكاوي

اول شي معلومه عامه
لنكاوي جزيره في ماليزيا ومدة الرحله بالطائره من مطار كوالالمبور 55 دقيقه


بسم الله نبدا

اول شي طياراتنا كانت الساعه 2 الفجر
وطلعنا من العين الساعه 10 عشان نمشي على راحتنا ونتعشى في الطريق

المهم وصلنا المطار الساعه 11 و50 دقيقه تقريبا

والمفروض نكون هناك قبل ما تطير الطياره بساعتين

دخلنا المطار ووقفنا في الطابور عند التفتيش وانا اقول لربيعي شكلي شي ناسي
قال لي وين الكاميرا
جان ابحلق عيوني http://www.njmuae.com/vb/images/smilies/sm41.gif
وطلعت برا وركبت تكسي وعلى طول للباركن وسرت للسياره ويبت الكاميرا ورديت وخذينا البوردنق باس
رحنا السوق الحره ( امحق سوق حره )

باقي عن الطياره ساعه ونص تقريبا

يلسنا نلف ونلف ونلف ونلف ونلف ونلف ونلف

اخر شي تعبت وقلت لربيعي بيلس هني ونحن يالسين سمعته يقول

شو ها فشلونا ويوم سألته اشر لي على هالشاشه وشوفوا شو كاتبين ونحن في شهر 8 2007

http://www.njmuae.com/njm_alyah/malaysia.jpg

الحمدلله والشكر

وبعدين يانا باكستاني
ويلس يتفلسف علينا ويتفلسف علينا وانا مستانس قلت خلني اسولف عشان الوقت يمر

وعقب ركبنا الطياره وحصلت مضيف الطياره من نيوزلاند

عطيته الكاميرا وانا صورت بعد شروق الشمس

وللامانه ما اتذكر هالصورتين من مصورنهن انا ولا هو

http://www.njmuae.com/njm_alyah/malaysia_1.jpg


http://www.njmuae.com/njm_alyah/malaysia_2.jpg


المهم وصلنا العاصمه الساعه 1 او 2 ما اتذكر

من الملل قلت خلني اصور الطياره اللي بتوصلنا لنكاوي

http://www.njmuae.com/njm_alyah/malaysia_3.jpg


وحليله الطيار كان يقرا جريده اظني

http://www.njmuae.com/njm_alyah/malaysia_4.jpg


وهني هالصوره من الطياره لجزيرة لنكاوي

http://www.njmuae.com/njm_alyah/malaysia_5.jpg


وهاي بعد

http://www.njmuae.com/njm_alyah/malaysia_6.jpg


هني منظر السحاب عجبني وقلت بصوره ^_^

http://www.njmuae.com/njm_alyah/malaysia_7.jpg


الحين وصلنا الجزيرة ورحنا الفندق وكان اسمه
شيراتون لنكاوي ريسوت sheraton langkawi beach resort
وهذا الموقع الخاص بالفندق هذا ويحتوي على صور اكثر من روعه
http://www.starwoodhotels.com/sherat...propertyID=281 (http://www.starwoodhotels.com/sheraton/property/photos/index.html?propertyID=281)

المهم الفندق هذا موجود على جبل وتروح للغرفه الخاصه بك عن طريق سياره خاصه بالفندق وتقدر تروح مشي

وهاي صورة السياره

http://www.njmuae.com/njm_alyah/malaysia_46.jpg

وهاي صورة الغرفه مالتنا ( انا سريري على اليسار http://www.njmuae.com/vb/images/smilies/sm238.gif )


http://www.njmuae.com/njm_alyah/malaysia_8.jpg


وهاي الدريشه عدال سريري

http://www.njmuae.com/njm_alyah/malaysia_9.jpg


وهذا البانيو ومنظر مطل على الغرفه ( الصراحه الفندق روووووووووووووووووووووووعه )

http://www.njmuae.com/njm_alyah/malaysia_10.jpg


انزين وهاي صوره للبلكونه ( ربيعي ما طاع يقوم وقال تصورني وانا هالشكل )

http://www.njmuae.com/njm_alyah/malaysia_11.jpg

وهذا منظر من البلكونه



http://www.njmuae.com/njm_alyah/malaysia_12.jpg

قبل ما اكمل الصور بخبركم سالفه

حاولنا نفتح الخزنه ما قدرنا
واتصلنا للريسيبشن وطلبت شخص عشان يفتحها
يابوا لنا واحد ماليزي اسمه بحرين وسالنا عن مكان حلو للتسوق
وعطانا اسم مكان وقال وااااااايد حلو واسمه spring hell

عقب ما طلع تلبسنا انا وربعي وكشخنا وحطينا الجل وما ادري شو
رحنا للريسيبشن وطلبنا تكسي وسألنا الشخص هناك عن هالمكان وقال مكان حلو للتسوق
ركبنا التكسي وخذينا 20 دقيقه تقريبا لين المكان
وسالت التكسي شي تكاسي هني قال لا
قلت له والحل قال اتصل للفندق وبيطرشون لك واحد وعطاني رقم الفندق
يوم نزلنا طلع السوق اللي رحنا له سوق خضره :sm281:
وبغيت اصفع ربيعي http://www.njmuae.com/vb/images/smilies/las1.gif

قلت له قم روحنا شو نسوي هني في سوق خضره والقهر كاشخين

قال ما عليه خلنا نلفلف شويه http://www.njmuae.com/vb/images/smilies/sm210.gif

نحن كنا العرب الوحيدين اللي نحوط هناك وكلهم مستغربين ويا راسهم
طلعنا ودورنا تكسي ما لقينا
اتصلت للفندق والرقم غلط http://www.njmuae.com/vb/images/smilies/sm73.gif

والحل

حصلنا ماليزيين قلت لهم توصلونا فندق شيراتون قالوا اوكي
وكملنا نص ساعه نحوط لانه حضرتهم ما يعرفون انجليزي وما يعرفون وين الفندق

ويلست اشرح لهم بالاصوات

حوووووووووووووووووووو ( اونه طياره )
وما فهموا
ويلست ارسم لهم طياره وما فهموا
في الحلقه الاخيره كنا نخطف عدال الفندق وماحد منا كلنا يدري انه هني

خلصت السالفه بنكمل مع الصور


هالصورتين من اللوبي ( وعلى فكره الفندق عنده شاطيء خاص فيه )

http://www.njmuae.com/njm_alyah/malaysia_13.jpg

http://www.njmuae.com/njm_alyah/malaysia_14.jpg


ويوم السبت كلمنا قسم الترفيه في الفندق وطلبنا سياره توصلنا الاماكن الحلوه في الجزيره

ونحن في طريقنا مرينا على اماكن رووووووووعه بس ما بغيت اقول لراعي السياره يوقف عشان اصور لانه كل المناظر روعه

تميت اصور ونحن نمشي

هذا فندق بس ما اعرف شو اسمه

http://www.njmuae.com/njm_alyah/malaysia_16.jpg


الصور الثانيه ما عجبني فما بحطهن

رحنا اول شي للتلفريك

وهذا هو المدخل

http://www.njmuae.com/njm_alyah/malaysia_17.jpg

وهني اول ما تحرك التلفريك ومنظر للمكان اللي تحركنا منه

http://www.njmuae.com/njm_alyah/malaysia_18.jpg

وهذا منظر من الجهه الاخرى

http://www.njmuae.com/njm_alyah/malaysia_19.jpg


وهاي صوره من فوق قمه الجبل

http://www.njmuae.com/njm_alyah/malaysia_20.jpg


وهذا منظر لشلال

وعلى فكره
الغابه اللي تحتنا هي غابات ممطره rain forest

http://www.njmuae.com/njm_alyah/malaysia_21.jpg


طبيعه جميله

http://www.njmuae.com/njm_alyah/malaysia_22.jpg

مرسى اليخوت

http://www.njmuae.com/njm_alyah/malaysia_23.jpg

بعدين نزلنا ورحنا لحديقة التماسيح لمشاهدة عرض خاص هناك
وهذي اللافته على المدخل

http://www.njmuae.com/njm_alyah/malaysia_31.jpg

وياليتنا ما سرنا طلع العرض سخيف واحلى مافي العرض انه الماليزي اللي في العرض اسمه خميس

وهاي صورة للتمساح قبل العرض و وزنه طن وطوله ما اتذكر كم

http://www.njmuae.com/njm_alyah/malaysia_25.jpg

وهاي مقربه له ويا راسه

http://www.njmuae.com/njm_alyah/malaysia_26.jpg


عقب ما خلص العرض رحنا نطالع التماسيح ولقينا هذا حليله حد مصفعنه وضاربنه ضرب

http://www.njmuae.com/njm_alyah/malaysia_27.jpg

وهاي مجموعه كبيره من التماسيح ودي بس احط عضوات المنتدى هني ونفتك منهن

http://www.njmuae.com/njm_alyah/malaysia_28.jpg


هني ربيعي قال لي يوعان

يبنا له تمساح كبيره وفي تقريبا 13 دقيقه وربع سلخه وأكله ما شاء الله عليه ( لا تصدقون )

وهاي بقايا التمساح حليله

http://www.njmuae.com/njm_alyah/malaysia_29.jpg

وهذا تمساح صغير حليله حد قاص له ذيله ( على فكره وايد تماسيح صغار ذيولهن مقصوصه ما ادري شو السالفه )

http://www.njmuae.com/njm_alyah/malaysia_30.jpg


بعدين طلعنا من هالحديقه ورحنا لحديقة الافاعي او الزواحف بشكل عام

وفي طريقنا حصلنا مزارع للارز وهاي صوره لهن

http://www.njmuae.com/njm_alyah/malaysia_32.jpg


وبقية الصور في مواضيع اخرى اذا عجبكم هالموضوع

وتحتوي على

*حديقه الافاعي

*مناظر من الفندق

*رحلة القارب الى كهف الخفافيش ومزرعة الاسماك واطعام النسور و جزيره ما اعرف شو اسمها

*الطيران الى العاصمه

*مدينة رعاة الابقار في منطقه افا موسى

*العوده الى الاماارت



اذا عجبتكم الرحله بكملها

[اسماعيل رمضان]

ما شاء الله تبارك الله

صور رائعة و الاروع و الفنان المصور سلمت يداك اخى الفاضل نجم الامارات

و نتمنى المزيد

فى رعاية الله

[صفاصف]

أهلا و سهلا بكـ معنا أخي الكريم نجم الامارات

بصراحة أحسن حاجة سويتها انكـ رجعت و جبت الكاميرا ,, لأن الرحلة دون تصوير تصبح بلا طعم في نظري

لقطاتكـ فنتاستكـ ,, وبالذات صور لنكاوي الساحرة

يعطيكـ العافية

[فارس بلا جواد]

الله الله عالصور و الطبيعة الفاتنة بس بصراحة المصور فنان

فعلا نجم و فنان ياخى العزيز نجم الامارات

بالله عليك لا تتاخر علينا بالصور

شـكــ وبارك الله فيك ـــرا لك ... لك مني أجمل تحية .

[النـهـدي]

نحن أمام تقرير راااائع وهذا ما دل عليه سردك وصورك الراااائعة

تعجز الأنامل عن تقديم ولو الشيء البسيط من الشكر لك ولجهودك الكبيرة بهذا التقرير الذي أمتعتنا به وبصوره الجميلة وخاصة ما صاحبه من أحداث .

بارك الله فيك أخي الحبيب على هذا التقرير الجميل

وفي إنتظار البقية الباقية من هذا التقرير المتميز

دمت بكل ود أخي الحبيب

[صوت السهارى]

الله الله على هالتقريرتشرفنا فيك وبإنضمامك لكوكبتنا وأهلا ومرحبا فيك

مشكور أخوى وماشاء الله عليك وعلى سردك الرائع وبدون تكلف والله ضحكتنى

( قلت له قم روحنا شو نسوي هني في سوق خضره والقهر كاشخين)

حلوه المواقف الطريفه فى السفر..

وإحنا بإنتظار باقى التقرير.. وباقى الصور

http://al-qatarya.org/qtr1/1_RZ7GHvOn7Y.gif

[NjmUae.com]

الحمدلله عجبتكم الرحله وايد وايد

وعندي فيديوات لمزرعه الاسماك بس كبير شوي بس حلو الصراحه

والحين بنزل الجزء الثاني

[ولد من ذهب]

سلمت يمينك اخى نجم الامارت :)

صور رائعه ومصور فنان ننتظر المزيد :eek:

موفق بإذن الله ... لك مني أجمل تحية .

[NjmUae.com]

العفو اخوي

ردك احرجني والحمدلله عجبك التصوير

اخوك في الله

مطر القرطاسي النعيمي

[ابوهتان]

أمتعتانا أخى نجم الأمارات بصور الجزيره الهادئه لنكاوي
وشكرآ لك

[NjmUae.com]

العفو اخوي
وجزيرة لنكاوي تستاهل كل هذا

[missuae3003]

واو روعه الصراحه يا تمسااااااااااااااااح ^__^

[NjmUae.com]

حليلي مب تمساح ^_^

[لنكاوي]

يعطيك العافيه اخوي نجم الامارات على هذه الصور الجميله والتقرير الاجمل وكمل على بركة الله واحنا متابعين لك

[العفاري]

تصوير رائع ، سرد أروع ، أسلوب مشوق.

يعطيك العافية أخي مطر وفي انتظار جديدك.

[NjmUae.com]

الحمدلله انكم حبيتوا التقرير

وفي جزء ثالث حطيته وانتظر منكم رأيكم فيه

وباقي جزء رابع وبحطه ان شاء الله قريبا

[alrasy5]

لنكاوي الساحره

فعلا سحرتني بهدوئها ومناظرها

ودي اسال هل تنفع لنكاوي للي معهم اطفال

ولا رومنسيه بس

مشكور اخووي عالمجهود

[زينة الملكة]

يسلموا على التقرير الجميل والرائع

صراحه لنكاوي جزيره بديعه وقمه في الجمال والرومنسيه
اجواءها رائعه ...

هيه يا نجم الامارات ذكرتني بها والله اني مشتاقه للجزيره هذي بشكل فضيع

[ali1580]

ما شاء الله عليك نجم الامارات أسلوبك في الطرح عيبني وااايد
نتريا التكملة

[maystro]

ماشاء الله ان شاء الله انا مصمم اروح انا شاء الله بعد البكالوريوس وان شاء الله رح اكمل ماجستير في ماليزيا