رحلتي لـ ماليزيا الجزء الثاني لا تفوتكم

[NjmUae.com]

السلام عليكم ورحمة الله وبركاته

اليوم بكمل لكم رحتلنا لماليزيا

للعلم : الموضوع يحتوي على عدد كبير من الصور انتظروا لين يخلصن واذا طلع لكم اكسات حمر سووا ريفريش


توقفنا عند زراعة الارز وكنا متجهين لحديقة الافاعي او الزواحف

وهذي صورة لاكبر عقرب شفتها في حياتي

بس المشكله انه الاضاءة كانت تعبانه في المكان وتعبت لين قدرت اصور هالصوره

http://www.njmuae.com/njm_alyah/malaysia_33.jpg

وهني ما عندي سالفه فقلت خلني اتفنن http://www.njmuae.com/vb/images/smilies/sm220.gif
تراه ثعبان كبييييييير
الصوره بالفلاش عشان جي عيونه رصاصيات

http://www.njmuae.com/njm_alyah/malaysia_34.jpg


وهذا ثعبان اخر بعد حجمه كبيير

http://www.njmuae.com/njm_alyah/malaysia_35.jpg


هني الله يسلمكم في الفندق يالسين على الشاطيء انا وربيعي ما عندنا سالفه

من الملل قلت بتفلسف على ربيعي وبخق عليه بالكاميرا http://www.njmuae.com/vb/images/smilies/sm259.gif
عشان هو يعصب ويصفعني تصفيع http://www.njmuae.com/vb/images/smilies/sm239.gifhttp://www.njmuae.com/vb/images/smilies/sm239.gifhttp://www.njmuae.com/vb/images/smilies/sm239.gifhttp://www.njmuae.com/vb/images/smilies/sm239.gifhttp://www.njmuae.com/vb/images/smilies/sm239.gif
وهالشكل بنغير جو صح ولا ؟؟؟

المهم ( المحادثه خرافيه )

قلت له تشوف هذاك اللي يتزلج على البحر ؟
قال لا يكون تعرفه ؟
قلت له هيه امه تقرب لجيراننا
وقلت له تشوف كيف هو بعيد
قال لا
قلت له المهم شوف كيف الكاميرا تقدر تقرب الصوره
قال لي ما يخصني وفكني من حشرتك http://www.njmuae.com/vb/images/smilies/sm259.gif

المهم هاي صورة اللي يتزلج ويا راسه

http://www.njmuae.com/njm_alyah/malaysia_36.jpg


وهاي صورته عقب ما قربت بالكاميرا

تراه ماشي مميز في السالفه بس نبا نغير جو ^_^

http://www.njmuae.com/njm_alyah/malaysia_37.jpg


انزين

بعدين قلت لربيعي سير واوقف هناك وبصورك

صورته كم صوره وصورني هو بعد

وعقب شفنا شي http://www.njmuae.com/vb/images/smilies/sm201.gif

يتمشى في الفندق وما عليه من حد

والقهر شفناه نازل من شجره ويا راسه

يعني يوم تمشي طالع تحت وطالع فوق عشان ما ينقز عليك ويضاربك

المهم هذا هو اللي يحوط في الفندق ( شكله حاجز شاليه بعد )

للعلم وحده من الصورتين اللي تحت من تصوير ربيعي والثانيه انا بس ما اتذكر اي وحده هو والثانيه انا ( من حلات الصور يعني http://www.njmuae.com/vb/images/smilies/sm239.gifhttp://www.njmuae.com/vb/images/smilies/sm239.gifhttp://www.njmuae.com/vb/images/smilies/sm239.gif )
http://www.njmuae.com/njm_alyah/malaysia_38.jpg



اونه بالفن هالصوره

http://www.njmuae.com/njm_alyah/malaysia_39.jpg


هنيه الله يسلمكم شغله استهبال على غباء

حبيت اسوي نفسي فنان عالمي واصور واتفنن واللي يشوفني يقول مراسل سي ان ان ولا انسايد اديشن

http://www.njmuae.com/njm_alyah/malaysia_40.jpg


هالصوره اللي تحت ولا شي ولا تعطونها ويه
لاني شفت هالشجره وشفت شكلها فقلت بتفنن بالتصوير

http://www.njmuae.com/njm_alyah/malaysia_41.jpg


الله يسلمكم يوم رجعنا الغرفه شفت شي وطاح من عيني الشيراتون

ويا راسهم لهاي الدرجه ما يشوفون

الحمدلله والشكر
شوفوا كيف شكل مال الكهرباء مقلوب

http://www.njmuae.com/njm_alyah/malaysia_42.jpg


بعدين طال عمارك نزل مطر ( مب نجم الياه )

ويلسنا على البلكونه نقول يا رب تسقي الامارات هالشكل

وشفت عدالي حلزونه ( الله يعينها )

مسكتها وحطيتها فوق قلت بصورها لاعضائنا الاعزاء بالماكرو

اول صوره

http://www.njmuae.com/njm_alyah/malaysia_43.jpg


ثاني صوره

http://www.njmuae.com/njm_alyah/malaysia_44.jpg


ثالث صوره

http://www.njmuae.com/njm_alyah/malaysia_45.jpg



للعلم
شفت الحلزونه تسب ومعصبه

لاني يلست اصورها بالفيديو وكل مره احطها في مكان هي وربيعتها

لا والقهر سميتها سيده حلزونه والثانيه سيد حلزون وما ادري اذا كانن عوانس ولا رياييل http://www.njmuae.com/vb/images/smilies/sm239.gifhttp://www.njmuae.com/vb/images/smilies/sm239.gifhttp://www.njmuae.com/vb/images/smilies/sm239.gif


بعدنا في البلكونه

وحصلت شي ثاني يجذب انتباهي

لقيت نقط ماء فقلت اريد اصورها وهي تنزل

حاولت وحاولت ماشي امل

وطلعت معاي هالصوره

لو تلاحظون على اليمين نقطه توها نازله

http://www.njmuae.com/njm_alyah/malaysia_47.jpg


وبعدنا في البلكونه


الله يسلمكم بعدين حسيت اني لازم اكون انسان ايجابي في المجتمع

لقيت ماليزي وطلبت منه سيجاره وقلت بصورها مع الدخان عشان اسوي اعلانات لا للتدخين

حاولت وحاولت وحاولت وزين ما تصفعت بسبب ربيعي

وطلعت معاي هالصوره اللي مثل ويه ربيعي

http://www.njmuae.com/njm_alyah/malaysia_48.jpg


وبعدنا في البلكونه

طلعت الشمس شويه وفجأه قلت لربيعي شوف

قال شو تبا http://www.njmuae.com/vb/images/smilies/sm233.gif

قلت له اشعة الشمس نازله على سقف هالبيت ومنعكسه على النباتات الصغيره

قال لي بالحرف الواحد

والله انك متفيج

قلت له شو دراك انته بالفن وفن التصوير

شوفوا الصوره وبليز كلكم قولوا الله صدقك انه الاشعه نازله على السقف ومنعكسه على النباتات

http://www.njmuae.com/njm_alyah/malaysia_49.jpg


بعدين الله يسلمكم سرنا الشاطيء ويلسنا نسولف

ويتني فكره ثانيه <<<<< الله يسلم من افكارك

كتبت اسم نجم الامارات على التراب

http://www.njmuae.com/njm_alyah/malaysia_50.jpg


بس ربيعي ويا راسه خرب الكتابه قال لي عشان ماحد يدخل الموقع http://www.njmuae.com/vb/images/smilies/sm277.gif

المهم قلت بتفنن بالتصوير http://www.njmuae.com/vb/images/smilies/sm259.gif

وصورت هالصوره

http://www.njmuae.com/njm_alyah/malaysia_51.jpg


وبسكم اليوم هالصور

واذا عجبنكم بكمل مع البقيه ان شاء الله

في انتظار تعليقاتكم على الصور

[صفاصف]

ماشاءالله تباركـ الله

والله ان عندكـ بعض اللقطات << عالمية

لكن حاول عند تصوير المايكرو استخدام ترايبود ( حامل ثلاثي ) لتلافي الاهتزاز

هناك حوامل صغيرة تصلح للسفر و يجي طولها شبرين

يعطيكـ العافية على الوقت و الجهد << واستمر في ممارسة التصوير

مع الأيام تصبح خبير و التجربة خير معلم

[NjmUae.com]

تسلمين اختي على هالرد والمرور الطيب

اختي في التصوير هذا استخدمت كاميرا كانون باور شوت A710 is
كاميرا عاديه
والحين عندي 400D
يعني الحين بتشوفون الصور (اللي يشوفني يقول بابلو بيكاسو)

وان شاء الله في الرحلات الاخرى بتكونون معاي في الحدث

[النـهـدي]

تسلم يداك أخي الحبيب على هذه الصور الرااائعة
واصل إبداعك فنحن نترقب جديدك المتميز

[ابوهتان]

نحن في الأنتظار

[NjmUae.com]

شكرا على مروركم وانتظروا الجزء الثالث والرابع

[النـهـدي]

في الإننتظار أخي الحبيب وبفارغ الصبر
وأجزاء التقارير توحي أن هناك الكثير من الإبداع
فننتظر إلى نهاية الأجزاء كي يثبت في التقارير المتميزة ليستفيد منه جميع الأعضاء

دمت بكل ود أخي الحبيب

[صوت السهارى]

بصراحه أنا ماطلعت عندى الصور لكن التقرير فى غايه الروعه

لكن ياخساره بدون صورالله يعطيك العافيه وماقصرت

[missuae3003]

والله تصويرك فنان .. خص الشيره صدق فن .. ^_^

ممكن نعرف في اي منطقه خذيت هالصور ؟؟

[NjmUae.com]

العفو اخواني واخواتي
والحمدلله عجبكم التصوير

واللي ما قدر يشوف الصور يجرب الحين

واختي الشجره صورتها في فندق شيراتون لنكاوي عند المسبح قريب الشاطي

[لنكاوي]

الصور ما شاء الله ما عليها كلام امتعتنا اخي الكريم نجم الامارات

[العفاري]

والله أنك مبدع ماشاء الله عليك .

صور فنانه وترد الروح .

في أنتظار جديدك.

[NjmUae.com]

مروركم الاجمل اخواني واخواتي

الحمدلله عاجبكم التصوير وفي انتظار رأيكم في الجزء الثالث اللي موجود حاليا في القسم هذا
والجزء الرابع اللي بينعرض قريبا ان شاء الله

[فارس بلا جواد]

و الله نجم النجوم ما شاء الله اخى الكريم

بارك الله فيك

[NjmUae.com]

تسلم الغالي والحين بنزل الجزء الرابع

[ولـ الإمارات ـد]

يعطيك الف عافيه يا نجم بلادي على الصووووور

[NjmUae.com]

العفو اخوي والحمدلله عجبك التصوير

[alrasy5]

ما شاء الله عليك

تصويرك مميز

[زينة الملكة]

روووووووعه .. ما شاء الله تبارك الله ،، عليك لقطات جميله ..
والصورن واضحه وحلوه ... تسلم على التقرير .. والله يعين ربيعك عليك
شكلك طفرته ورفعت ضغطه ...